Halqimnin Tili Gurlermi

Halqımnıñ tili gürlermi?

Halqımnıñ tili gürlermi?

Ürmet etip severlermi?

Coyulmaz, unutılmazmı?

Kerekmey, yerde yatmazmı?

 

Böyle sual meni qıynay.

Unutılmay, içim qaynay.

Ne içün tilim sevilmey?

Unutıla, zenginleşmey?

 

Vatandaşım utanmay,

Tilni bilmek ıntılmay

Öz tilini ne seve,

Ne laf ete, ne bile.

 

Halqım yavaş deñişe,

Ruslaşa ve frenkleşe.

Başqa tillerni bile,

Avesliknen ögrene.

 

Amma öz ana tili

Bülbülniñ nazik yırı,

Yavaştan ğayıp ola,

Yer yüzünden coyula.

 

Toqtasa halqım, toqta?

Kenardan turıp baqma,

Til yoq olsa ne yaparsıñ

Kenardan turıp ağlarsıñ?

 

Köz-yaşıñ yardım etmez,

Til saña qaytıp kelmez.

Yaşlar deñişmek kerek!

Tilge irişmek kerek!

 

Halqım dey: – “Ne olsa olsun!”

Soñu hayırlı olsun.

Добавить комментарий