MdgYpBUMv9Y

Hansaray közümizniñ ögünde yıqılamı?

Osman Paşayev
Yerli ükümeti Bağçasaraydaki Hansaraynı yoq eteler. Yızyıllığına azıqlıq körme manaçığınen muzey qapatıldı. Resimğe çıqarmaq yasaq etile. Apishanede olğanı kibi, er taraftan qoruv turmaqta. Biyük Camiden bütünley keramet çıqarıldı (оnı çıqarıp attılar ve Çufut Qalege alıp barmağa niyetleneler), qoñuz bozğanı manaçığıni ile qadimiy emen kerişleri çıqarıldı. Kerişler qocaman, qalın. Olardan er yerde dögülgen mıqlar çıqıp tura. Avtokrannen kerişlerni cıqarğanda fasadta olğan XVIII asırnıñ yazısına zarar berildi. Fasad tıştan bütünler kerhernen yuvuldı. Bundan çatlavlar olıp, tam kiriş yanında şkaturkası taşlarğa qadar tüşti, töşemesi körüne edi. Bu teşikni tez tez tsementlediler ve fasadnı zemaneviy boya ve şpaklevkanen orttüller. Aleksandrnıñ çeşmesini kerhernen yuvdılar. Parçaları yıqıldı, olar onı üstünden boyap, şimdi zemaneviy tüske, beyaz renkke boyalaylar. Yekaterinanıñ milasını şçavelevli ekşilik ve kerhernen yuvdılar, bu sebepten arifler tüşti. Fasadta olğan yazılarnıñ episini acele adiy işçiler boyalay! Yıqılğan Farsiy bağçası yerine duvarlarnı tsementnen töşeyler. Leyha boyunca saray qısmı çevresinde Divan odasınıñ, Altın oda ve diger odalarınıñ damını alıp qoyacaq, damlı demirquruvlarnı qoyalar. Ama quruv deşetli – bu qaç biñlernen tonna demir, armatura, çaqıl ve beton. Hansaray çerçevesindeki ağırlıq pek buyuktır. Bu quruvnı bozıp alğanda Hansaray yıqıla bile. Ama bu 20 yıllıq quruv olğanı aqqında laflar yüre, soñra ise para bitecektir. (Söz sırası, 100 milliondan ziyade parası endi bitti, yüzyıllıqqa Putinni çağırmağa areket eteler, para bersin dep). Hansaraynıñ çeşmeleri şçavelev ekşiliginen yuvıla. Közümizniñ ögünde Hansaray yıqıla.

Daa oqumaq

Lorem ipsum dolor sit amet, consectetur adipiscing elit. Proin pulvinar nisl enim, eget dignissim felis posuere in. Ut suscipit et mi facilisis posuere. Nulla iaculis placerat dui in rutrum. Nulla commodo eros metus. Sed tincidunt augue ipsum, et sodales odio egestas a. Fusce id pulvinar sem. Maecenas vitae facilisis nulla. Morbi semper lobortis eros ut sagittis.

Добавить комментарий