Beautiful Faery Chamomile Quality Seed Latin America Spend God Treat Insomnia Whitening

Kederlenme canım dostum…

Kederlenme canım dostum,

Ayat degen şey qısqa.

Bu büyük soñsuz alemde,

Biz sadece qırmısqa.

Kederlenme canım dostum,

Faniy dünya, keçici.

Bu belgisiz kâinatta,

Biz sadece seyirci.

Kederlenme canım dostum,

Taqdirimiz yazılğan.

Deñiştirmek istegenler,

Deñiştirip olmağan.

Kederlenme canım dostum,

Kök semada melekler,

Bir qasevet, ya quvançta,

Sen içün dua eter.

Kederlenme canım dostum,

Evinde olsa kemlik.

İnsan gönlü taşımalı,

Merametlik, eyillik.

Kederlenme canım dostum,

Birev seni ıncıta?

Ayatnıñ bir adeti bar:

Ne yapsañ, er şey qayta.

Kederlenme canım dostum,

Ömür meşaqat atan?

Allah Taalâ er şey köre,

Odır, yardım uzatan.

Kederlenme, kederlenme,

Canım dostum, dua et.

Allahnıñ yolundan ketip,

Cennet qapusına yet.

Добавить комментарий